Алијансата за правична конкуренција ги најави клучните мерки за борба против сивата економија во Србија во следната година. Како нови приоритети се наведени спроведувањето на програмата на Владата на Србија за сузбивање на сивата економија, подобрувањето на граничните процедури и олеснувањето на прекуграничната трговија, измените на Законот за работни односи и административното олеснување на работниот ангажман, објави Политика.

Планот е да се измени Законот за буџетски систем со кој ќе се воведе обврска на сите органи на јавната администрација да овозможат електронско плаќање на сите неданочни давачки, како и сет приоритети поврзани со подобрување на работата на инспекцискиот надзор преку измена законот и подобрување на положбата на инспекторите. Зоран Даљевиќ, претседателот на Алијансата за правична конкуренција НАЛЕД, потсети дека од 2013 до 2023 година, сивата економија во Србија е намалена од 29,1 отсто на 21,1 отсто. Друга важна цел беше да се овозможи безготовинско плаќање на сите шалтери на јавната администрација. Преку програмата на националната иницијатива за безготовинско плаќање, обезбедени се 25.000 ПОС терминали за мали и микропретпријатија, но до 1.000 уреди од вкупниот број се наменети за јавните институции кои сакаат да овозможат ваков вид плаќање на корисници. За година и пол малите трговци кои со нивна поддршка воведоа ПОС терминали остварија милион и пол трансакции и повеќе од 18 милиони евра промет.