Капитенот на Реал Мадрид, Начо Фернандез денеска и официјално ги напушти „кралевите“.

Во емотивна објава Реал Мадрид се прости од својот долгогодишен фудбалер кој во клубот пристигна како 10-годишник уште во 2001 година.

Тој ги помина сите младински категори и во првиот тим е од 2012 година. Од тогаш помина 12 години во една од најуспешните периоди во историјата на клубот.

За Реал Мадрид одигра 364 натпревари и освои 26 трофеи со кои заедно со Лука Модриќ кој има исто толку се најтрофејните играчи во историјата на клубот.

Според најавите нов клуб на Начо треба да биде Ал Кадсија од Саудиска Арабија со која би требало да потпише договор до 2026 година. Шпанскиот ветеран тука би требало да заработува 20 милиони евра годишно.