Просечното траење на работниот век во Европската унија во 2024 година изнесувало 37,2 години, покажуваат најновите податоци на Евростат. Сепак, разликите меѓу земјите-членки се големи, пренесува „Еурепортер“.

Најдолг работен век е забележан во Холандија (43,8 години), Шведска (43,0), Данска (42,5), Естонија (41,4), Ирска (40,4) и Германија (40,0). Најниско просечно траење имаат Романија (32,7 години), Италија (32,8), како и Хрватска, Грција и Бугарија со по 34,8 години.

Податоците покажуваат и јасни разлики меѓу половите. За мажите, очекуваното траење на работниот век во ЕУ изнесува 39,2 години, со највисоки вредности во Холандија (45,7), Данска (44,2) и Шведска (40,0), а најниски во Романија (35,9) и во Хрватска и Бугарија (по 36,0).

Кај жените, просекот е 35,0 години. Најдолг работен век имаат жените во Естонија (42,2), Шведска (42,0) и Холандија (41,8), додека најкраток во Италија (28,2), Романија (29,2) и Грција (31,1).