На претседателката на Антикорупциската комисија, Татјана Димитровска, Судот попладнево ѝ го одзеде пасошот, откако стана осомничена во случајот „Адитив“, во кој досега се гонат десетици луѓе за наводни злоупотреби со набавки на адитиви за РЕК Битола.

„Во однос на осомничената Т.Д. која доцна попладнево беше изведена пред судија на претходна постапка во рамките на продолжување на акцијата во јавноста позната како „Адитив“, по нејзино произнесување во однос на предлогот на ЈО за определување мерки за претпазливост, донесено е решение со кое СЕ ПРИФАЌА предлогот на ОЈО ГОКК и се определуваат мерки за претпазливост согласно точка 3 и точка 7 односно Привремено одземање на патната исправа и забрана за издавање нова; и Забрана за преземање на одредени работни активности поврзани со кривичното дело“, велат од Кривичниот суд.

Димитровска е меѓу тројца новоосомничени во случајот, кој се однесува на наводни злоупотреби во јавни набавки на адитиви плаќани по неколкукратно повисока цена од реалната. Еден од главните осомничени во „Адитив“ е поранешниот директор на државната енергетска компанија Електрани на Северна Македонија (ЕСМ), Васко Ковачевски.

Претседателката на ДКСК осомничена во случајот „Адитив“ – се бараат мерки за претпазливост