Аамериканскиот кошаркар Хуан Дејвис по три години повторно ќе го носи дресот на МЗТ Скопје Аеродром.

Клубот и искусниот интернационалец постигнаа договор за соработка за новата сезона, со што Дејвис ќе ја пополни празнината што настана по заминувањето на неговиот сонародник Грег Џонсон, кој не ги мина лекарските прегледи.

Дејвис веќе еднаш беше дел од „штрковите“ во сезоната 2021/22, кога одигра значајна улога во освојувањето на титулата во домашното првенство и пласманот во АБА лигата. По заминувањето од Скопје, изминатите две сезони го носеше дресот на хрватски Задар, каде освои две титули национален шампион.