Министерот за европски прашања Орхан Муртезани денеска изјави дека иако мала земја, Македонија не може да остане имуна за случувањата и ситуацијата во Газа, за кои вели дека се аларматни и причина поради која целиот свет започнува да се мобилизира.

– Целиот свет се мобилизира бидејќи ситуацијата во Газа е алармантна. Не можеме како земја, колку и да сме мали, да сме имуни на таквиот тренд, особено ако тоа прерасне во заедничка безбедносна и надворешна политика на ЕУ, ние, како 100 проценти усогласени на таа политика, ќе мора да го следиме истиот чекор, рече министерот Муртезани, одговарајќи на новинарско прашање по заедничката прес-конференција со министерот за европски прашања и одбрана на Република Ирска, Томас Бирн.

Брн истакна дека итуацијата во Газа „е неподнослива и бара итна хуманитарна помош“ и потсети дека Ирска, заедно со Шпанија и Норвешка ја признаа Палестина и порача дека треба да се искористи предноста на ЕУ како алатка за убедување на останатите земји дека тоа што се случува во Газа е премногу лошо, со неопходна потреба за итно дејствување.

-Секоја држава треба да си ја донесе својата одлука. Но, морам да кажам дека имаме сериозна загриженост околу она што се случува во Палестина, а ние секогаш сме се заложувале за луѓето од Палестина. Но, она што го заклучивме е дека ни е потребна итна помош и треба да ја искористиме предноста што ја има ЕУ и да ги убедиме останатите земји дека она што се случува таму е тотлку лошо што е неопходно итно да се дејствува, рече тој.

Ситуацијата во Газа во јули 2025 годинa е оценета како хуманитарна катастрофа од невидени размери во која над два милиони луѓе се соочуваат со глад, а од Светската здравствена организација предупредува дека „луѓето масовно умираат од неухранетост“