Случувањата во Алијанса за Албанците, предводена од Арбен Таравари се знак дека одлучноста на структурите таму и спремноста е многу поголема да не завршат во прегратките на Али Ахмети, изјави министерот за европски прашања Орхан Муртезани, одговарајќи на прашањето дали има најави за други пратеници кои може да се приклучат кон Коалицијата Вреди.

– Според наши неофицијални информации, тие ќе продолжат и револтот кај сите поддржувачи, симпатизери и функционери таму е многу голем. Така што, да почекаме и наредните денови. Мислам дека тој тренд ќе продолжи – изјави Муртезани, кој доаѓа од редовите на Алтернатива.

Арбен Таравари вчера преку фејсбук-статус објави дека е горд на излегувањето на Алијансата за Албанците од Владата и порача дека ќе победат на локалните избори во октомври.

Таравари: Горд сум на излегувањето на АА од Владата, победуваме во октомври