Англиските медими пренесуваат дека Герет Саутгејт наскоро може да замине од клупата на репрезентацијата која ја води од 2016 година. Саутгејт ја има поддршката на јавноста, но факт е и дека Англичаните очекуваа повеќе од овој Мундијал.

Реномираниот „Aтлетик“ објави дека битката за нов селектор на Англија ќе се води помеѓу Шон Дајч и Жозе Мурињо. Дефинитивно повеќе внимание привлекува името на Жозе Мурињо и негово именување за нов селектор на Англија би било вистински „земјотрес“ во фудбалскиот свет.

Заедничко за Дајч и Мурињо е што и двајцата досега во кариерата работеле само во клубови и немаат искуство со водење репрезентација. Дајч беше во Ватфорд, потоа одлично го водеше Барнли кој од кога си замина испадна во Чемпионшиш.

Мурињо од друга страна е едно од најголемите тренерски имиња на денешницата, денес ја води Рома, а претходно седеше на клупата на Порто, Челси, Интер, Манчестер Јунајтед и Тотенхем.

Сепак, прво да почекаме да видиме дали Саутгејт ќе остане или ќе си замине, засега се погласни шпекулациите за негово заминување.