Кога Жозе Мурињо пристигна на Босфор, задачата беше јасна – да ја прекине доминацијата на Галатасарај и да ја врати титулата кај Фенербахче по 11 години. Но, Португалецот не успеа. Испадна од Лил во квалификациите за ЛШ, во лигата и купот остана без трофеј, но претседателот Али Коџ реши да му даде уште една шанса – и тоа последна. Доколку не беше високата отштета, Мурињо веројатно ќе заминеше, можеби дури и назад во Интер.

Сега останува да се бори. Пристигнаа неколку засилувања, меѓу нив и Џон Дуран, а пред Фенер е нов предизвик – дуел со Феенорд во третото квалификациско коло за ЛШ. Холанѓаните претрпеа значајни заминувања и Фенер важи за фаворит, но турскиот клуб традиционално тешко се снаоѓа во Европа.

Најголем успех им беше во 2008 година – четвртфинале во ЛШ со тимот на Зико. Пет години подоцна стигнаа до полуфинале во Лига Европа, но оттогаш – само повремени настапи во елиминациските рунди. Лани загубија во четвртфиналето на Конференциската лига од Олимпијакос на пенали.

Сега, со Мурињо на чело, притисокот е огромен. Без трофеј и без прогрес во Европа – може да значи крај на една гласна, но засега неуспешна ера.