Уметникот Озбек Ајваз во соработка со Центарот за правни истражувања и анализи (ЦПИА) и Македонското здружение на млади правници (МЗМП), организираат герила акција под наслов „Моето детство е моја приказна“, по повод 20 ноември – Светски ден на детето.

Оваа акција, како што велат организаторите, има за цел да ја подигне свеста за значењето на дигиталната приватност на децата и да ги поттикне родителите и општеството на одговорно и свесно однесување кое ќе придонесе кон безбедноста и добросостојбата на младите во онлајн просторот.

-Во 11 часот кај фонтаната „Лотус“ во Градскиот парк во Скопје ќе биде поставена уметничка инсталација подготвена од Озбек Ајваз како симболичен потсетник дека секое дете заслужува приватен и безбеден простор за раст и развој. Акцијата е дел од проектот „Ефикасна правда за заштита на основните слободи и правото на приватност во онлајн просторот,“ финансиран од Европската унија – се вели во соопштението.

Уметничката инсталација ќе биде изложена на 20 ноември, од 11 до 15 часот.