Американскиот претседател Доналд Трамп се обиде да разговара со индискиот премиер Нарендра Моди четири пати во последните неколку недели, но индискиот лидер ги одби сите покани, тврди германскиот весник „Франкфуртер алгемајне цајтунг“.

Според извештаите, ваквите потези на индискиот лидер го одразуваат гневот и претпазливоста на официјален Њу Делхи откако Трамп воведе царини од 50 проценти за Индија.

Порталот „Индија тудеј“ потсетува дека Трамп кон крајот на јули рекол дека не е заинтересиран за тоа што прави Индија со Русија.

„Заедно можат да ги уништат своите мртви економии“, рекол Трамп во тоа време, што Моди го критикувал велејќи дека Индија се движи кон тоа да стане една од трите најголеми економии во светот.