Мноштво тепачки во Скопје вчера, се пресметувале браќа, соседи, колеги на работа…
Неколку случаи на физички пресметки се забележани вчера во Скопје – се тепале браќа, соседи и во два случаи колеги на работно место, информираат од МВР.
Препорачано
„На 23.05.2023 во 08.30 часот С.К.(59) од Скопје пријавил дека околу 06.00 часот додека извршувал работни задачи во фабрика на подрачјето на Гази Баба бил физички нападнат од О.Н., негов колега“, пишува во полицискиот билтен.
Во друг случај, неколкумина колеги нападнале човек со кого работеле:
„На 23.05.2023 во 13.45 часот О.Р.(46) од с.Клечовце-кумановско пријавил дека на 22.05.2023 околу 15.00 часот на паркинг во близина на фирма на подрачјето на Чаир бил физички нападнат од Х.М. и Г.П., негови колеги“, велат од МВР.
Жител на населбата Гази Баба, пак, пријавил во полиција дека бил нападнат од неговиот брат и внукот:
„На 23.05.2023 во 16.50 часот И.Т.(48) од Скопје пријавил дека на подрачјето на Гази Баба бил физички нападнат од неговиот брат М.Т.(53) и неговиот внук Д.Т.(29), двајцата од Скопје“, пишува во полициското соопштение.
