Млади и талентирани математичари и физичари заедно со претставници на Дирекцијата за технолошки индустриски развојни зони денеска се сретнаа со претседателот Стево Пендаровски.

Од Кабинетот на Пендаровски информираат дека на средбата се дискутирало за текот на иницијативата „Поддршка на научно-технолошката извонредност кај ученици и млади“ чија цел е создавање на платформа преку која државните институции, приватниот сектор, меѓународните организации и општествено одговорните компании, заедно ќе придонесуваат во унапредување на можностите младите да го остварат својот потенцијал.

На средбата било истакнато дека ќе се креира фонд кој ќе ги стимулира и финансира талентираните деца и млади со фокус на науката, технологијата и иновациите, соопшти кабинетот на шефот на државата.

Претставниците на ТИРЗ истакнале дека веќе е обезбедена првата поддршка за тимот средношколци составен од математичари и физичари за нивно учество на Светската олимпијада по математика и физика во Јапонија.

Претседателот Пендаровски изразил поддршка кон оваа иницијатива и истакнал дека ќе овозможи модел на соработка меѓу сите релевантни чинители во државата коишто преку инвестирање и поддршка на талентираните деца и млади ќе им овозможат потребни услови и ресурси за развој на нивните способности