Синиша Пекевски е познато лице од ТВ екраните, кој долги години во улога на аналитичар се обидува да донесе објективен суд за разни политички недоумици и премрежја.

Во Митови и факти тој помалку разочарано говори за пропуштените шанси на Владата на Македонија, која според него не успеа да ја покрене земјата од состојба на повеќегодишна криза, а главната причина за тоа тој гледа во лошата кадровска политика.

– Владата ќе има супер резултати доколку постави вистински личности и додека постави квалитетни луѓе. Се покажа во Македонија дека веќе нема квалитетни луѓе и дека сите оние кои се квалитетни се надвор или се во некој сопствен бизнис во кој не сакаат да имаат некаква допирна точка со политиката, затоа што гледаме на што се сведува. Огромен број на лоши решенија. Кадровската политика на Владата, со некои исклучоци е катастрофална – вели тој.