Градоначалникот на Кавадарци, Митко Јанчев, денеска и се закани на професорката Тања Каракамишева со тужба, доколку не добие јавно извинување од неа, поради фотографија која беше објавена на Фејсбук од наводна негова членска книшка од СДСМ.

Тој во своето соопштение до јавноста напиша дека неговиот датум на раѓање кој го пишува во таа членска книшка е прв показател дека таа е фалсификат.

„Фотографијата која излезе денеска во јавноста со наводна моја членска книшка е тотален фалсификат. Мојот датум на раѓање е 01.11.1981 година,што е прв показател дека тоа е лажна фотографија. Поради овие невистини барам јавно извинување во спротивно ќе постапам согласно законот“, објави Јанчев.