Старо-новиот министер за животна средина Насер Нуредини денеска на прес конференција ги презентираше новите проекти и приоритети на неговиот ресор на албански и англиски јазик.

На новинарско прашање, кога ќе проговори на македонски, збунето рече дека го знае македонскиот јазик, но не би било лошо и новинарите да го знаат албанскиот, како што тој го учи македонскиот.

„Ви благодарам на прашањето, и ве разбирам многу добро, можам да се изразувам и многу добро ако сакате да знаете, ќе научам полека нормално, обврска е за мене. Албански не баш лошо да знаете, веќе сигурно не зборите албански, албански не е лошо. Ќе зборам во иднина и на македонски“, рече Нуредини.

Нуредни на денешната прес конференција се обрати на албански јазик, а новинарските прашања ги одговараше на англиски јазик.

Тоа беше последното прашање, а реакцијата на министерот може да ја погледнете во прилог (52 минута)

Министерот Нуредени одлично зборува англиски, германски и италијански јазик со оглед дека неговата професионална кариера се врзува за школувањето и  работата во Австрија, Германија и Велика Британија.