Министерот за правда Игор Филков најостро го осудува палењето на куќата на директорот на Управата за извршување санкции, Александар Пандов и бара одлучна акција во која ќе се утврдат причините и најстрого казнат можните сторители.

„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители. Правда мора да има и ќе има!“, пишува во реакцијата Филков, под чијшто ресор е институцијата со која раководи Пандов.

Викенд-куќата на директорот Пандов во скопското село Орешани беше потпалена вчера, а случајот во полиција ги пријавил лично тој. Полицијата, како што наведува, презема мерки за расчистување на случајот.

ВИДЕО: Запалена куќата на Пандов во Орешани: „Смислен атак на криминалците“