Компанијата „Волт Дизни“ денес објави дека се согласила да плати 10 милиони долари за да реши тужба за приватност на децата поднесена од Федералната трговска комисија на САД (ФТЦ), пишува „Лос Анџелес Тајмс“.

Тужбата се однесува на видеосодржината што „Дизни“ ја објавувал на „Јутјуб“, главно за време на пандемијата на коронавирусот.

Ова е првиот познат случај во „Јутјуб“ постигнал спогодба со ФТЦ за кршење на приватноста на децата, откако агенцијата постигна спогодба со платформата и нејзиниот сопственик „Гугл“ во 2019 година.

ФТЦ го обвини Дизни дека не означил одредени видеа на „Јутјуб“ како содржина наменета за деца кога ги поставил на платформата, дозволувајќи им на тие видеа да се пуштаат реклами, што ФТЦ го смета за проблематично.

Како дел од спогодбата, „Дизни“ призна административна грешка во означувањето на видеата, главно објавени за време на пандемијата.