Милевски: Многу сме назад, овие момци заслужуваат подобри услови за игра
Македонската фудбалска репрезентација денеска славеше победа од 1:0 на домашен терен против Летонија со што го потврди првото место во групата.
Препорачано
По натпреварот селекторот, Благоја Милевски ги пофали фудбалерите, но изрази и незадоволство од теренот на кој се играше натпреварот.
„Знаевме дека не чека потежок натпревар од оној со Летонија. Сите момци во репрезентацијата заслужуваат честитки и комплименти. Овие фудбалери заслужуваат нормални услови за игра, а денешниот ревник не беше нормален. Молчев до овој момент, но сега морам тоа да го потенцирам. Со оглед на тоа со што се соочуваме кога играме на Македонија многу сме назад кога во прашање е теренот. Условите треба да бидат далеку подобри, се до излегувањето на теренот е одлично и за тоа благодарност до ФФМ, но ќе ја искористам оваа прилика за да апелирам да пронајдеме начин да ја подобриме состојбата. Многу е полесно да се браниш на еден ваков терен, отколку да креираш. Треба да погледнеме барем во соседството и да ги следиме добрите примери. Можеби немаше да победиме поубедливо и со најдобри услови, но ќе ги имавме“, изјави Милевски
Групата Македонија ја заврши со 16 бода, далеку зад остана Ерменија со 7, Фарски Острови имаат шест и Летонија е последна со четири бода.
ФОТО+ВИДЕО: Maкедонија победи и против Фарски Острови за потврда на доминацијата во групата!
