Претседателот на Црна Гора Јаков Милатовиќ следната недела ќе престојува во официјална посета на Хрватска со цел „зајакнување на билатералната и добрососедска соработка и забрзување на европскиот пат на Црна Гора“, соопшти неговиот кабинет.

Милатовиќ на 4 и 5 септември ќе разговара со хрватскиот претседател Зоран Милановиќ, премиерот Андреј Пленковиќ и претседателот на хрватскиот Сабор Гордан Јандроковиќ, јавуваат подгоричките медиуми.

Милановиќ ќе му приреди празнична вечера на Милатовиќ во вилата „Јадранка“, во Бриони, Истра.

Со заминувањето во Хрватска, Милатовиќ, заедно со зајакнувањето на билатералната и добрососедската соработка, ја продолжува серијата посети на земјите од ЕУ со цел да го забрза европскиот пат на Црна Гора, соопшти неговиот кабинет.