Епидемилогот од Институтот за јавно здравје, Владимир Микиќ, во гостувањето на ТВ 24 најави дека во мај ќе се прави серолошка студија, односно тестирање на населението кое ќе покаже колку луѓе биле изложени на коронавирусот и развиле заштитни антитела.

-Во план е во мај да се направи студија за серопроваленца, да утврдиме колкав број на наслението било изложено на корона вирусот и развило одредени заштитни антитела. Веќе пред јуни ќе ги имаме резулатите колку од луѓето го прележале вирусот. Серолошката студија ќе ни укаже колкав е имунитетот и според тоа ќе утврдиме кои старосни групи се поризични. Според тоа ќе се направат постапки како да се нормализира животот, рече Микиќ.

Носењето на заштитни маски не е нужно, на пример ако сте сам и спортувате, тогаш нема потреба од маски, потенцира Микиќ.

-Во затворени места, да, но на отворени места нема потреба, но неопходно е физичкото дистанцирање- рече д-р Микиќ.