Утре со почеток во 11:00 часот во свечената сала на Владата, ќе се одржи состанок помеѓу претседателот на Владата на Република Северна Македонија Христијан Мицкоски и претставниците на стопанските комори во однос на промоција на новогодишната потрошувачка кошничка, соопшти Владата.

„Кошничката“ се состои од листа на прехранбени производи и алкохолни и безалкохолни пијалаци предложени од страна на производителите и трговците кои за време на новогодишните празници ќе имаат пониски цени.

По состанокот, во 11:45 часот се очекува прес-конференција на која Мицкоски ќе ја претстави владината мерка.