Неодамна на нашиот официјален инстаграм-профил @slobodenpecat, сосема спонтано и автентично – на ваше барање, а на наше задоволство – започнавме иницијатива за поголема видливост на традиционалните медиуми преку понуда за читање весници во македонските угостителски објекти.

Еден од угостителските објекти кои се приклучи на низата општествено одговорни е „МГ бар“, популарно место за дружење под липите и брезите на скопскиот булевар „Партизанска“.

Од фрлена паричка до „МГ бар“

Денес се запознаваме со можеби најприсобливото место во градот, „МГ Бар“ – угостителски објект во кој се достапни многу фини работи: од смутиња и свежо цедени сокови до сериозно добри коктели, вкусна храна, културни настани и забави, до тетоважи – во одлична, префинета, пријателска атмосфера.

Кога се запознававме со тимот на „МГ бар“, најсимпатичен момент за нивното постоење ни беше дека целата приказна започнала со само една метална монета. Основачот на „МГ пирсинг и тату студио“ подолго време размислувал сака да отвори бар во близина на тату-студиото, па за да ја реши дилемата, колешка сугерирала да фрли паричка за да ја донесе одлуката. Паричката рекла „да“, па сега на „Партизанска“ постои единственото место во градот во кое кога ќе појдете на пијалак можете да си закажете и термин за тетовирање во студиото за тетовирање со исто име, кое се наоѓа веднаш до барот.

Свежи пијалаци под липите и брезите

Во „МГ бар“ утрата се спокојни, а редовните посетители сакаат да го започнат денот со квалитетно кафе и вкусни, овошни пијалаци. Освен свежо цедените сокови, на менито се достапни и смутиња на кои е вложено внимание и труд да ги задоволат нутритивните потреби, како и сетилата за вкус – пијалаци за што поубав почеток на денот.

Штом затопли, уживањето во пијалаците е уште поголемо поради живописниот дрворед во кој најбројни се липите и брезите. Новитет во „МГ бар“ е што од неодамна достапни се и легендарните сендвичи од „Тото“, секој ден до 14 часот. Идеално место за дружење, но и соло посета со весник или книга, под дебелата сенка со мирис на пролет.

Инспиративна и пријателска атмосфера за сите генерации

Штом залади, атмосферата во внатрешноста на „МГ бар“ е совршена за деновите кога трагате по топло, префинето чувство и кога сте сами и во друштво, но и со најдрагите миленичиња, зашто тука сите се добредојдени. Запознајте се со Цветко, мачорот кој како вистински домаќин речиси секогаш ќе ве пречека во „МГбар“. Покрај тоа се и еко ориентирани – менито е достапно на дрвена коцка со QR код.

Како што ни раскажаа луѓето зад „МГ“, тие точно знаеле како сакале да изгледа местото уште кога се фрлала паричката. Секој детал е претходно осмислен и како тим биле целосно присутни и инволвирани во изградбата на местото.
Посветеноста е сеприсутна во „МГ бар“ и особено ни се допаѓа фактот што ѕидовите се збогатени со уметнички дела од локални уметници, инспиративни за сите генерации и потенцијална платформа за (идни, млади) креативци.

Но, штом влезете, неизбежно ќе забележите два автентични елементи: ѕид со винил плочи и стаклен ѕид со касети, елементи кои телепортираат во едно друго време и создаваат позитивни вибрации во просторот во кој сериозно се негуваат сетилата за слух.

Затоа и погоре го опишавме „МГ бар“ како едно од најприспособливи места во градот, поради неговата моќ да се преобрази има моќ од лежерно место за денско кафе во одлично место за култура, забава и уметност. Вечерната музичка програма во „МГ бар“ е погодна за љубителите на добрата музика, па тука може да уживате во фанк, џез, хип-хоп и хаус забави, затоа што овој угостителски објект е домаќин на локални и регионални имиња на музичката сцена и се залага за поддршка и промоција на современата музичка сцена.

Она што го прави „МГ бар“ еден од првите избори за жените е нивната редовна „Лејдис најт“, односно секој вторник и четврток жените од сите генерации уживаат во коктели со одлични цени.

Но, уште поважен момент за жените е грижата на „МГ бар“ за ментруалната хигиена, па во тоалетот во секое време се достапни производи за спокојно чувство на сите посетителки.

Во „МГ Бар“ се одржуваат и промоции на книги и албуми, стенд-ап комедија, тематски забави, поп-ап настани за храна… Листата е навистина долга! Заследете го нивниот инстаграм профил @mg__bar за да бидете во тек со сите новости.

Уметност во чаша + понуда за најсмелите

Една од главните причини на кои посетителите се навраќаат во „МГ бар“ е нивното далеку прочуено мени за алкохолни пијалаци, на кое особено се истакнува коктелот Палома (комбинација на текила, сок од зелен лимон и минерална вода со вкус на грејпфрут) кој важи за омилен пијалак на гостите.

„МГ бар“ и љубителите на ова место ги опишуваат нивните коктели како „уметност во чаша“ затоа што секој коктел има своја приказна, а епитот го оправдува трудот кој е вложен во изработката на менито од реномиран и наградуван коктел-мајстор. Неретки се и гостувањата на врвни локални бармени, но и од регионот, кои ја презентираат својата умешност и вештина да направат врвни комбинации од рачно одбрани состојки.

Најнесекојдневна понуда на менито на „МГ бар“ би била промоцијата „Коктел+тетоважа“. Најхрабрите, односно оние кои се секогаш подготвени да ги врежат мемориите засекогаш во облик на нов дизајн и уметност на своето тело, можат да го направат тоа токму тука, доколку се одлучат на премиум коктел со тетоважа. Освен што ќе договорите тетоважа кај едни од најискусните и далеку прочуени мајстори за тетоважи, ќе уживате во фантастичен пијалак, најуникатна локална понуда што го прави „МГ бар“ уште поавтентичен.

Овој месец „МГ бар“ го прослави и првиот роденден со целодневна забава, на која се „вртеше“ опасно добра музика, но уште пред да ги отвори своите врати, „МГ бар“ ја постави целта на нивното постоење, а тоа е убавината и моќта на создавањето. Создавање и промовирање иновативни пијалаци, производи, концепти, уметност и дизајн кои ќе останат во сеќавање со одлични пијалаци и музика. „Дали сте подготвени за нешто поразлично?“, е прашањето кое ќе ви биде поставено во „МГ бар“. Одговорно тврдиме дека не само што ќе искусите нешто поразлично, туку и ќе се вратите по истото.

Локација:
Ул. Булевар Партизански одреди бр.101 зграда 1/3 Скопје – Карпош
Работно време: Понеделник – четврток 08:00 – 00:00; Петок – сабота 09:00 – 01:00; Недела: 09:30 – 00:00

СЕ ЧИТАМЕ ВО МГ БАР!