„Металика“, Пинк, Кајли Миног, Елтон Џон… Славните ѕвезди продолжуваат со донации за Австралија
Нека донира кој може, секој цент е важен, рече австралискиот глумец Крис Хемсфорт.
Светските ѕвезди продолужуваат со донациите за Австралија, која сè уште се бори со пожарите.
Препорачано
-
1
-
2
-
3
Пејачките Пинк, Кајли Миног и глумицата Никол Кидман донираа по половина милион долари, а најмладата милијардерка во светот, Кајли Џенер, донираше еден милион долари за помош на Австралија.
Австралискиот глумец Крис Хемсфорт одлучил да донира еден милион долари.
„Како и целиот свет и јас сум погоден со ова што се случува кај нас во Австралија. Одлучив да донирам еден милион долари. Нека донира кој може, секој цент е важен“, изјави Крис.
Членовите на американската хеви метал група „Металика“ ветија дека ќе донираат околу 500.000 американски долари во обид да помогнат во гаснењето на пожарите во Австралија.
„Целосно сме преплавени со вестите за пожарите кои се простираат на милиони хектари низ Австралија, а кои имаат големо влијание на Нов Јужен Велс и Викторија. Настанатото разорување и погубните ефекти врз сите жители, животни, околината и неверојатната земја Австралија се навистина срцепарателни“, се вели во соопштението на групата.
Елтон Џон донираше еден милион долари на фондот за санирање на последиците од пожарите што ја погодија Австралија.
„Сите треба да им се восхитуваме на пожарникарите за она што го прават. Има луѓе кои ги загубија животите обидувајќи се да ги зачуваат своите домови, а има и такви кои ги загубија животите и домовите“, рече тој пред публиката во Сиднеј.
