Откако не се појави на неделното тестирање на коронавирус пред почетокот на подготовките, Лионел Меси денеска не се појави ниту на првиот тренинг на Барселона под палката на новиот тренер Роналд Куман.

Фудбалерите на Барселона денеска ги започнаа подготовките, а оправдано отсутен беше единствено Фелипе Кутињо кој доби продолжен одмор по триумфот во финалето на ЛШ со Баерн Минхен, а очекувано не се појави ниту најголемата ѕвезда на екипата со што и упати јасна порака на управата дека по секоја цена сака да си замине.

Војната помеѓу Меси и Барселона се заострува, Аргетинецот го очекува незамислива казна

Лионел Меси минатата недела преку факс ја извести управата дека сака да си замине од Барселона една година пред истекот на договорот, додека управата нема намера да се откаже од него и инсистира дека клаузулата во висина од 700 милиони евра е активна и секој клуб што го сака Аргентинецот во своите редови ќе мора да плати.

Меси со непојавувањето на денешниот тренинг уште еднаш испрати порака дека повеќе не се гледа како дел од Барселона и има право на раскин на договорот. Неговиот обид лично да контактира со претседателот Хосеп Марија Бертомеу пропадна бидејќи челникот на Барселона одбива средба.

Бертомеу од друга страна подготвува нов договор за Меси кој ќе му носи 100 милиони евра бруто годишна плата, и тој е подготвен да си замине од претседателската функција доколку најдобриот фудбалер во клупската историја остане.

Шпанските медиуми тврдат дека Меси веќе има донесено конечна одлука да си замине и лесно може да се случи на крајот да пресечат ФИФА и спортскиот арбитражен суд во Лозана.