Германскиот канцелар Фридрих Мерц денеска изјави дека Европа ќе го зголеми притисокот врз Москва преку санкции. Откако американскиот претседател Доналд Трамп разговараше со клучните европски лидери, веднаш по телефонскиот разговор со рускиот лидер Владимир Путин, Мерц истакна дека Европа и САД се обединети во „блиската поддршка за Украина на нејзиниот пат кон прекин на огнот“.

„Претседателот на САД и европските партнери се договорија за следните чекори, тесно да го координираат преговарачкиот процес и да одржат дополнителен технички состанок“, изјави портпаролот на германската влада Стефан Корнелиус.

Претседателката на Европската комисија Урсула фон дер Лајен му се заблагодари на Трамп за „неговите неуморни напори да воспостави прекин на огнот во Украина“.

„Сакам да му се заблагодарам на претседателот Трамп за неговите неуморни напори да обезбеди прекин на огнот во Украина. Важно е САД да останат ангажирани. Ќе продолжиме да го поддржуваме Володимир Зеленски во постигнувањето траен мир во Украина“, рече таа на платформата X.

По телефонскиот разговор со Путин, Трамп разговараше со Мерц, Фон дер Лејен, украинскиот претседател Володимир Зеленски, францускиот претседател Емануел Макрон, финскиот претседател Александар Стабс и италијанскиот премиер Џорџa Мелон и ги информираше за исходот од разговорот со Путин, пишува Дојче веле.

САД се согласија да одржуваат „блиска координација“ со европските сојузници во преговорите за Украина, пренесува Танјуг.