Германија моментално поминува низ еден од најтешките периоди во својата модерна историја, изјави канцеларот Фридрих Мерц во обраќањето пред членовите на Бундестагот.

„Како земја, поминуваме низ еден од најтешките периоди во нашата модерна историја“, рече Мерц.

Тој нагласи дека Германија не е сама во соочувањето со предизвиците, туку дека тешкотиите влијаат и на „целата западна заедница на вредности“.

Според него, последиците од овие околности се чувствуваат првенствено во германската економија, која е силно ориентирана кон глобалните пазари.