Италијанската премиерка Џорџа Мелони денес ја поздрави одлуката на Соединетите Американски Држави да учествуваат на следниот состанок на „коалицијата на волните“ за Украина, на кој ќе учествуваат, меѓу другите, и Обединетото Кралство, Франција и Германија.

„Многу ми е драго што за прв пат и Соединетите Американски Држави ќе учествуваат на состанокот на волните со специјалниот претставник на претседателот Трамп за Украина, генералот Кит Келог“, изјави таа за новинарите заедно со украинскиот претседател Володимир Зеленски по билатералната средба на маргините на Конференцијата за закрепнување на Украина.

Таа оцени дека ова претставува „јасен сигнал и јасен пример за единство“ кога станува збор за безбедноста на Украина и постигнувањето прекин на огнот во таа земја,  пренесува Танјуг.