Европските и американските лидери ја поздравија приготвеноста на папата Лав XIV да биде домаќин на преговорите меѓу Русија и Украина во Ватикан, изјави италијанската премиерка Џорџа Мелони.

Кабинетот на премиерката потврди дека европските лидери, вклучувајќи го украинскиот претседател Володимир Зеленски, францускиот претседател Емануел Макрон и германскиот канцелар Фридрих Мерц, разговарале со Доналд Трамп по неговиот телефонски разговор со Владимир Путин.

„Во тек се подготовки за итен почеток на преговорите меѓу страните, кои би можеле да доведат до што поскоро примирје и создавање услови за праведен и траен мир во Украина. Во тој контекст, подготвеноста на Светиот Отец да биде домаќин на преговорите во Ватикан е оценета како позитивна. Италија е подготвена да даде свој придонес во олеснување на контактите и да работи на постигнување мир – се наведува соопштението од кабинетот на Мелони.