Мексиканската претседателка Клаудија Шајнбаум најави истрага за инцидентот во гратчето Коалкоман, каде што озлогласен наркобарон бил пречекан со транспаренти со изрази на благодарност.

На снимки споделени на социјалните платформи се гледа транспарентот со благодарност за Ел Менчо, лидерот на наркокартелот Халиско, кој на децата од градот им разделил пакетчиња со подароци.

– Децата на Коалкоман му благодарат на господинот Немесио Осегуера и на неговите синови 2, 3 и Делта еден, за благородниот гест. Благодариме за подароците – пишувало на транспарентот.

Мексиканските наркокартели и криминални банди традиционално спроти Нова година им носат подароци на децата во регионите во кои дејствуваат, со цел да го зајакнат својот статус кај мештаните. Зафрлените места во провинциите, кои не се доволно заштитени од властите, организираат вооружени полиции, но вообичаено се принудени да им плаќаат рекет на криминалните банди што оперираат во регионот.