Активистот Љубиша Чулиќ вечерва бил нападнат од група од шестмина маскирани напаѓачи во Ваљево, неофицијално дознава „Н1“.

Според објави на социјалните мрежи, активистот бил брутално претепан и тешко повреден, по што е префрлен во Ургентниот центар во болницата во Ваљево.

Чулиќ неодамна бил обезбедувач на студентските и средношколските протести во Ваљево.

Во знак на поддршка, жителите на српскиот град вечерва се организираа преку социјалните мрежи и се собраа на градскиот плоштад, за потоа да отидат пред просториите на владејачката партија СНС во Ваљево. Нивниот протест продолжи пред зградата на Полициската управа, пишува „Н1“.