Илон Маск веројатно нема да добие владини безбедносни дозволи ако аплицира за тоа, објави Гардијан.

Милијардерот, близок сојузник на Доналд Трамп, кој е поставен да се приклучи на новата администрација како експерт за ефикасност и неодамна стана првата личност која надмина 400 милијарди долари во лично богатство. Тој бил советуван од страна на адвокатите на СпејсX да не бара безбедносни дозволи од највисоко ниво поради лична употреба на дрога и контакти со странски државјани.

Маск во моментов поседува “врвна тајна” дозвола за која му биле потребни години за да ја добие откако дискутирал за употребата на марихуана на подкаст со Џо Роган во 2018 година.

Типично, кандидатите кои се подложени на федерални безбедносни проверки од страна на Министерството за одбрана може да не добијат дозвола ако агенцијата изрази загриженост за употреба на дрога или алкохол, криминално однесување, психолошки состојби, сексуално однесување или верност кон САД.

Според дел од медиумите, адвокатите на Маск истакнале сценарија во кои тој би можел ненамерно да открие тајни на странски официјални лица со кои редовно зборува, вклучувајќи го и рускиот претседател Владимир Путин, со кого се вели дека бил во редовен контакт од 2022 година.

Употребата на друга полулегална дрога, кетамин, во потрага по она што пријателите го нарекуваат “чиста креативност”, заедно со извештаите за ЛСД, екстази и магични печурки, исто така може да биде проблем.

Адвокатите на Маск изјавиле дека имало “лажни факти” во извештајот на WSJ за моделите на дрога на Маск и дека тој бил “редовно и случајно тестиран за дрога во СпејсЕкс и никогаш не паднал на тестот”.