Машина за сушење со топлинска пумпа на брендот „Бош“ е итно повлечена од српскиот пазар, поради опасност од струен удар, се наведува во образложението за повлечените производи на веб-страницата на ресорното министерство.

„Во текот на производството, електричното поврзување на компресорот не е направено во согласност со спецификацијата, така што доколку производот е инсталиран во домаќинство со електрична инсталација која не е во согласност со безбедносните упатства, постои ризик од струен удар“, се вели во предупредувањето, објави Каматица.