Македонскиот фудбалски интернационалец Марко Ѓорѓиевски ја менува средината, но останува во романската Суперлига. Напаѓачот официјално го напушти тимот на Клуж и кариерата ќе ја продолжи во редовите на Херманштад, клуб кој се надева дека неговото доаѓање ќе донесе свежина во офанзивниот дел од тимот.

И покрај тоа што не доби доволна минутажа во Клуж, Ѓорѓиевски останува дел од романскиот шампионат, каде што сега ќе се обиде да се наметне во дресот на Херманштад, екипа која по осум одиграни кола се наоѓа на 11. позиција со седум освоени бодови.

Ѓорѓиевски во својата досегашна кариера има настапуваше за повеќе клубови, меѓу кои се Силекс, Брера, Вождовац, Шкупи и други. Новата етапа во Херманштад може да биде добра шанса за Ѓорѓиевски да ја врати добрата форма.