Марк Маркез повторно блесна на својата омилена патека, легендарната Заксенринг. Искусниот шпански ас стигна до својата деветта победа на германското тло, а воедно ја запиша и 69-та победа  во  својата богата МотоГП кариера.

Возачот на Дукати стартуваше од пол-позицијата и за разлика од саботниот спринт, овојпат не му даде шанса на никого, од првиот до последниот круг возеше со неверојатна контрола и брзина, држејќи ја конкуренцијата на сигурна дистанца.

Веднаш зад Марк заврши неговиот помлад брат Алекс Маркез., додека Актуелниот шампион Франческо Бањаја мораше да се задоволи со третата позиција, откако не успеа да најде начин да се вмеша во борбата за врвот.