„МАНУ никогаш не била затворена институција за номинирање во звања академик врз основа на етничка припадност. Иницијативите за формирање некаква паралелна Академија на Албанците, ми се познати одамна и тие на тој начин сакаат да извршат некаков притисок за да се дојде до буџет и до прием на кадри од албанската заедница“, рече во гостување на ТВ24 академик Катица Ќулавкова.

Таа смета дека дури и тие самите се запознати кога се објавуваат конкурсите и ги следат и се пријавуват.

„Дури ние ги спуштаме нашите критериуми кога се именуваат академици од останатите етнички заедници“, вели академик Ќулавкова.

Таа апелира да не се прави и да не се дозволи да се прави анимозитет по етничка и по политичка основа.