Потребата од формулирање на нов и флексибилен производствен модел заснован на предлозите за здраво претприемништво и општество, бара претседателот на Трговско-индустриската комора на Пиреја, Василис Коркидис.

Според Коркидис, движечка сила на економскиот раст во Грција е преработувачкиот сектор и малите и средни претпријатија кои бараат, од актуелната власт, да формулира нов производствен модел, но и неопходни политики за поддршка, во време кога меѓународната економија е на тест од геополитичките случувања, пишува Нафтемборики.

Тој потсети дека Комората неодамна доставила меморандум до раководството на Министерството за развој со фокус на прашањата поврзани со развојот на индустриските паркови, енергијата и вработувањето, истакнувајќи дека производствениот сектор може да стане мост за младите да се вратат и да останат во земјата, со што се справува со демографската закана.

-Сакаме инвестиции кои ќе ја зголемат продуктивноста и конкурентноста на грчката економија и тие можат да се „постават“ во индустриските паркови – рече тој.