Малите битолски уметници во фокусот на годинашната Меѓународна ликовна колонија “Де Ниро”
Во битолското село Цапари, во присуство на голем број домашни и меѓународно признати уметници свечено беше отворена традиционалната 19 по ред меѓународна ликовна колонија “Де Ниро”.
Препорачано
Колонијата “Де Ниро” во соработка со Битолскиот Завод и музеј организираа инклузивна работилница на која малите ликовни уметници твореа под мотото “Ние во музеј и природа”.
Тие на ликовната колонија научија многу тајни за сликањето пејсажи, садови, стари објекти, ликови.
-Од денес малите ликовни уметници добија нови пријатели – вистински уметници. Децата знаат да препознаат личности и простори кои зрачат со убава енергија и да почувствуваат дека се добродојдени- рече координаторот на проектот, Ирена Ружин.
На самиот почеток на колонијата беше потпишан меморандум за соработка со Македонскиот фестивал за алтернативна фотографија Зрно.
Како и секоја година работата на колонијата ќе ја следи и координира Уметничкиот совет во состав: Панде Петровски, Мирослав Масин, Драган Анѓелковиќ, Владо Ѓорески, Стефан Малбашиќ и Кети Бакревска Талевска.
Учесниците на колонијата “Де Ниро” ќе ги посетат античкиот локалитет Хераклеа Линкестис, музеите во Кавадарци и некои од македонските винарии.
Колонијата оваа година ќе работи до 28 јуни а официјалното затворање ќе биде со посетата на Арт-Поинт Гумно збратимената колонија во село Слоештица – Демир Хисар.
