19-годишниот одбранбен играч досега ги бранеше боите на Вардар, а од следната сезона ќе има нов клуб.

Марио Младеновски кој лани го имаше дебито за најдобрата македонска репрезентација, одлучи да направи трансфер во Данска.

Нашиот дефанзивец ќе настапува за второлигашот Фремад Амагер, клуб кој се наоѓа во главниот град Копенхаген.

Младеновски е веќе во Копенхаген и како што самиот го потврдува трансферот, ова е нов клуб, нов предизвик.

Тој веќе е промовиран во новиот дрес заедно со неговиот менаџер Горан Попов. Претходно играч беше на проба во украинскиот гигант Динамо Киев, но не успеа да дојде до договор.