Македонски телеком и А1 оствариле убедливо најголем приход за комуникациски услуги заклучно со вториот квартал од оваа година. Во приходите од обезбедување на мобилни комуникациски услуги, во вториот квартал од 2024 година Македонски Телеком има удел од 49,96 проценти, а А1 Македонија со 46,93 проценти.

Според извештајот на Агенцијата за електронски комуникации, вкупниот број на телефонски претплатници изнесува 1.919.695, од кои најголем процент се пост-пејд претплатници со околу 50 отсто, додека пак при-прејд претплатниците се на второ место со 35 проценти и преостанатите 15 отсто се корисници на деловна пост-пејд претплата.

Во Македонија се разговарало 1.4 милијарди минути, или околу 23 милиони часа разговор.

Во вкупниот број претплатници, А1 Македонија има удел од 47,9 проценти, Македонски Телеком 46,57 проценти, Лајкамобајл 3,05 проценти, Телекабел 1,29 проценти МТЕЛ 1,08 проценти, Греен мобиле 0,11 проценти.

Во приходите од обезбедување на мобилни комуникациски услуги (малопродажно ниво) во вториот квартал од 2024 година Македонски Телеком има удел од 49,96 проценти, А1 Македонија, 46,93 проценти, МТЕЛ 1,39 проценти, Телекабел, 0,88 проценти, Лајкамобајл, 0,71 проценти, Греен мобиле 0,13 проценти.

Пристап на интернет имаат 1 549 967 претплатници, а фиксна телефонија користат 449.868.