Maкедонската борачка Вероника Рјабоволова не ја исполни посакуваната цел да дојде до пласман во финалето на олимпискиот квалификациски турнир во Баку кој ќе и обезбедеше виза за ЛОИ 2024 година.

Во четвртфиналето Рјаболова беше поразена од Романката Андреа Ана (0:11). Нашата претставничка беше инфериорна во текот на целиот меч и загуби од третата борачка во светот во категоријата до 53 килограми.

Пред борбата со Романката, Рјабоболоба беше подобра од Елнуира Мамадова со 4:0. Во утрешниот ден своја шанса за пласман во Париз ќе бараат македонските претставници: Владимир Егоров во категорија до 57 килограми, Расул Шапиев до 74 килограми и Магомегаџи Нуров до 97 килограми.