Младата репрезентација на Македонија до 16 години денеска на тренинг центарот „Петар Милошевски” го одигра првиот натпревар против Таџикистан, во рамки на првото коло од УЕФА развојниот турнир за фудбалери родени 2006 година што се одржува во Скопје.

Избраниците на селекторот Вујадин Станојковиќ во интересен натпревар, полн со возбудувања и отворена игра на двете страни одиграа нерешено 3:3 во регуларниот дел од средбата, а беа подобри по изведувањето на пенали со вкупен резултат 5:4.

Стрелци на головите за Македонија во регуларниот дел беа Нуман Ајетовиќ, Анес Мелиќи и Стефан Младеновски.

Во вториот натпревар од првото коло на Уефа развојниот турнир, силите ќе ги одмерат селекциите на Косово и Хондурас.

Во второто коло, Македонија ќе игра против Косово, на 5 мај на тренинг центарот „Петар Милошевски” со почеток од 16.00 часот.

Македонија: Славе Вргов, Филип Митев, Андреј Велков, Анес Мелиќи, Никола Стојкоски, Никола Манојлов, Нуман Ајетовиќ, Максимилијан Димитријески, Алмир Подграѓа, Мухамед Елмас, Алтин Алији.