Македонските мотоциклисти Синиша Кочоски и Христијан Бузалковски кон средината на април ќе настапат на трката „24 часа Ле Ман“ која се смета за најтешката во историјата.

Тие ќе бидат првите Македонци кои ќе настапат на трката на најиздржливите возачи во светот и секако тоа е напредок за авто-мото спортот во Македонија.

„Ми претставува особена чест и задоволство што добив покана за настап на трката за која сонував од дете. Прво сакам да му се заблагодарам на клубот од Чешка, Уни Серв Мото 82 кој ми ја пружи оваа можност. Ветувам дека достојно ќе ги бранам боите на клубот и ќе го дадам максимумот во одлично светло да ја претставам Македонија. Подготовките за настап на најтешката трка на светот веќе се започнати. Моја цел и на ривалот, а сега колега Христијан Бузалковски е да се квалификуваме и да ја извозиме трката“, изјави Кочоски.

Кочоски е двократен шампион во БМУ и актуелен вицешампион во СТК 1.000, а на трката ќе настапи како дел од чешкиот тим Уни Серв Мото 82. Бузаловски пак минатата сезона заврши на третото место во БМУ Европскиот шампионат зад Кочоски.

Трката ќе се одржи во период помеѓу 17 и 20 април.