Нешто пред 13 часот денеска, маж се полеа со бензин и се самозапали откако работници дојдоа да ја урнат неговата барака во Нов Белград, спроти трговскиот центар „Делта сити“, јавија српските медиуми.

Жан Н. имал станарско право на бараката, но таа морала да биде урната поради тоа што се наоѓала во градилиште на нов станбен комплекс.

Како што дознава Блиц, човекот кој се полил со бензин и се запалил е З.Н., државјанин на Северна Македонија.

Како што пишува порталот, мајката на несреќниот човек, лежела на земја, удирајќи се со камен во ногата и стенка, кажувајќи – „Погледнете што направија.”

Порталот Курир, повикувајќи се на сведоштвата на работниците кои го гаселе огнот со противпожарен апарат, тој по нивната интервенција заминал од местото и со ужасните изгореници успеал да стигне до продавница оддалечена еден километар, каде што побарал помош.

Според 24седам, работниците го изгаснале запалениот маж со противпожарен апарат, а потоа продолжиле со уривање на бараката. Несреќниот човек дошол сам во блиската продавница и молел за помош, а работниците рекле дека глетката била ужасна.

Како што изјавија за 24седам, мажот со ужасни изгореници со возило на Брза помош бил пренесен во Ургентниот центар.

Како што соопшти полицијта, итната помош во болница пренела маж кој денеска се здобил со повреди во Нов Белград, за кои се претпоставува дека се здобиени со самозапалување.