„Еспресо.мк“ издвои неколкумина познати мажи од нашата земја кои излегуваат со едни од најубавите македонски манекенки.

Прв на „списокот“ го ставија пејачот и бизнисмен Дарко Гелев – Брејк. 

Поранешната „Мис на Македонија“,  Драгана Клопчевска е девојката која пред неколку години го освои неговото срце. Драгана и Брејк се во брак околу десетина години и имаат две заеднички деца.

И Стефан Филиповски од „Некст тајм“ од неодамна е среќно заљубен.

Стефан Филиповски од познатото дуо Некст тајм официјално не е повеќе сингл. Тој неколку месеци е во љубовна врска со една од најубавите девојки во нашата земја,  манекенката Маја Ристевска.

Менаџерот Иво Јанковски е во врска со една од најубавите жени на сите времиња.

Многумина ќе кажат дека Иво е вистински среќник што покрај себе ја има, како што кажавме, една од најубавите жени во Македонија на сите времиња, чие лице беше присутно на многу модни кампањи и важи за прекрасна личност. Иво и Надица Ѓеоргиева се во врска неколку години, а дека нивната љубов цвета, сведочат и заедничките фотографии кои тие постојано ги објавуваат на социјалните мрежи.

За многу спортисти знаеме дека излегуваат со манекенки. Таков пример е и со фудбалерот Влатко Гроздановски. 

Поранешниот фудбалер на ФК Вардар беше долги години во љубовна врска со манекенката Христина Мицевска, а нивната љубов ја крунисаа со брак пред четири години.

И голманот на ФК Вардар, Филип Гачевски – Гача покрај себе има прекрасна девојка.

Популарниот Гача веќе неколку години е во љубовна врска со манекенката и водителка Деспина Царева, која во 2013 година ја освои титулата „Мис бикини – Балкан“.