Пејачот Мајкл Бубле и актерката и модел Луисана Лопилато, во петокот станаа родители на нивното четврто бебе – ќерка.

„Љубовта е живот и светлина и таа… нашaта малечка Сиело Јоли Роуз Бубле“, објави парот на своите инстаграм-профили. „Конечно пристигна во нашите животи со твоите 3,8 килограми!!! Ти благодариме Господе за овој бесконечен благослов. Те сакаме, Ноа , Елијас, Вида и твоите мама и тато“, додадоа тие во заедничката објава.

 

View this post on Instagram

 

A post shared by Michael Bublé (@michaelbuble)

Заедно со објавата, тие споделија преслатка фотографија од Лопилато и Бубле како ја држат малата нога на нивната новородена ќерка Сиело.

 

View this post on Instagram

 

A post shared by Luisana Lopilato (@luisanalopilato)

Уште во февруари, парот го искористи спотот на Бубле за „I’ll Never Not Love You“ за да ја објави веста за бременоста.

Тие се родители на 8-годишниот син Ноа, 6-годишниот син Елијас и 4-годишната ќерка Вида. Бубле и Лопилато се венчаа во март 2011 година, а пејачот претходно зборуваше за плановите за проширување на семејството.

 

View this post on Instagram

 

A post shared by Michael Bublé (@michaelbuble)

Кога Лопилато првпат изразила желба за бебето бр. 4, тој ѝ рекол дека „три се доволно“, се присети Бубле во едно интервју за „Us Weekly“ во декември 2021 година.

„Мојата сопруга се насмеа, а јас реков: „Што е смешно?“, а таа рече: „Мислам дека е толку симпатично што мислиш дека имаш опција“, изјави тој.

Бубле се пошегува дека е „среќен и ќе вложи труд“ за уште еден мини член од семејството, истакнувајќи дека Ноа, Елиајс и Вида „веројатно“ ќе добијат помал брат или сестра.