Венецуелскиот претседател Николас Мадуро изјави дека властите во неговата земја се подготвени да продолжат со директните разговори со идната американска администрација.

-Ќе работиме за повторно отворање на каналот за пристоен, искрен и директен дијалог меѓу идната американска Влада и Венецуела, на чие чело сум јас, рече Мадуро.

Тој, исто така, додаде дека администрацијата на американскиот претседател Доналд Трамп за две години на опозицискиот лидер Хуан Гуаидо му платила 800 милиони долари.

Мадуро додаде дека само пет минути откако американските медиуми објавија дека Бајден победил, Гуаидо му свртел грб на Трамп.

Кризата во Венецуела ескалираше во јануари 2019 година кога Гуаидо, кој е и претседател на венецуелското Собрание, се прогласи за привремен претседател и кога повеќе земји, вклучително и САД, го признаа.