Венецуелските власти распишаа награда од 100.000 долари за информација што би придонесла за приведување на опозицискиот лидер во бегство Едмундо Гонзалез Урутија, кој тврди дека го победил претседателот Николас Мадуро на изборите лани во јули.

Полицијата објави фотографија на Гонзалез со натпис „се бара“ на социјалните мрежи и изложи јавни потерници на аеродромите и граничните премини.

Гонзалез, кој пред две недели доби политички азил во Шпанија, најави дека ќе се врати во Каракас на 10 јануари „за да биде инаугуриран“. На истиот ден и Мадуро има намера да даде претседателска заклетва.