Славниот фудбалер Лукас Подолски нема намера да стави крај на кариерата, па така на 38 години потпиша нов договор со тимот на Горник Забрже од Полска.

Важноста на новиот договор на Подолски е две години, па така ако го исполни во целост ќе игра до 40 години.

Вкупно за овој тим Подолски постигна 16 гола и подели 13 асистенции и во наредниот период секако може да ги подобри овие бројки.

Оваа сезона Подолски е еден најстандардните во тимот и одигра 27 натпревари постигнувајќи пет гола и девет асистенци. Во својата кариера во германската репрезентација Подолски настапи на 130 натпревари за Германија и го носеше дресот на клубови како Анталијаспор, Кобе, Галатасарај, Интер, Арсенал, Келн и Баерн Минхен.