Во Србија денеска се одржаа локални избори во 89 градови и општини каде право на глас имаа над 4,2 милиони граѓани. Избирачките места беа отворени во 7:00 часот, а затворени во 20:00 часот, по што ќе бидат објавени првите прелиминарни резултати.

Локалните избори се одржаа во оние општини каде што не се гласаше во декември минатата година.

Според проценките на Цезид и Ипсос, до 19 часот на изборите во Белград излегле 42,2 отсто од гласачите. За споредба, на изборите во Белград во декември до 19 часот излегле 54,1 отсто.

Во Нови Сад, според проценките, до 19 часот гласале 46,3 отсто од гласачите, додека во декември гласале 54,7 отсто.

Кога станува збор за Ниш, според проценките, на гласање излегле 44,4 отсто од гласачите. Во декември до 19 часот гласале 54,2 отсто од запишаните избирачи.

Црта поднесе шест кривични пријави за купување гласови на изборите во Србија

Министерството за внатрешни работи на Србија соопшти дека за време на изборите немало сериозни инциденти, освен напади врз полицијата и оштетување на Саемот во Нови Сад.

In Novi Sad, Serbia’s second biggest city, the police scuffle with opposition supporters in front of an illegal call center run by Vucic’s @SNS_Srbija to pressure voters to vote for the ruling party.

New PM @Milos_Vucevic was a long-time mayor of Novi Sad.pic.twitter.com/l4XRAEVZEn

— Jakub Bielamowicz (@KubaBielamowicz) June 2, 2024

Набљудувачката мисија на „Црта“, која има свои набљудувачи на 450 избирачки места на локалните избори во Србија, евидентирала неправилности на одреден број избирачки места. Известувајќи за доцнењата во отворањето на избирачките места, купувањето гласови и таканаречениот „бугарски воз“, „Црта“ до полицијата поднесе вкупно шест кривични пријави.

Како што пишуваат српските медиуми, активисти на Српската напредна партија фрлале солзавец кон новинари, опозициски активисти и граѓани на Новосадскиот саем.

Local vote in Serbia: In Novi Sad, tear gas/fire extinguishers have been used against opposition activists who have uncovered an illegal call center of the ruling SNS.

Novi Sad is the biggest city where the opposition has a chance of winning the election. pic.twitter.com/YOCUmKmGyz

— Jakub Bielamowicz (@KubaBielamowicz) June 2, 2024

Претходно, група граѓани предводени од лидерите на опозицијата во Нови Сад ја скршиле вратата од салата во која се наоѓа кол центарот на СНС.

Обвинителството во Нови Сад најави дека итно ќе реагира на секој облик на насилство на изборите

Новосадскиот одбор на СНС потврди дека се работи за партиски кол-центар кој работел „легално и легитимно“.

Инциденти имало и во Белград.

Радомир Лазовиќ од Зелено-левиот фронт на Фејсбук објави дека еден од членовите на таа партија бил физички нападнат.

„Во Земун, член на нашиот мобилен тим, кој откри употреба на паралелен избирачки список на избирачкото место што го следеше, беше скршен со цигла во главата. Мажот е во Ургентен центар“, напиша Лазовиќ на Фејсбук.

Naš kourednik Marko Miletić, upravo je napadnut u Zemun Polju, ovo je snimak koji je uspeo da nam pošalje, a trenutno pokušava da pobegne batinašima koji ga i dalje jure!! pic.twitter.com/IPhuTHbI1X

— Mašina (@MasinaRS) June 2, 2024

Локалните избори се одржуваат во Белград, Ниш, Нови Сад, Суботица, Зрењанин, Кикинда, Вршац, Панчево, Сомбор, Сремска Митровица, Ваљево, Пожаревац, Јагодина, Ужице и Чачак.

Се избираат и од општините Бачка Топола, Мали Иѓош, Житиште, Нова Црна, Нови Бечеј, Ада, Кањижа, Нови Кнежевац, Сента, Чока, Алибунар, Бела Црква, Ковачица, Ковин, Опово, Пландиште, Апатин, Бачд. Излегуваат на гласање Горњи Милановац, Ивањица, Врњачка Бања, Рашка, Тутин, Алексинац, Сврљиг, Босилеград, Бујановац, Сурдулица и Прешево.

Советници се избираат и во белградските општини Чукарица, Нови Белград, Палилула, Раковица, Савски венац, Стари град, Вождовац, Врачар, Земун, Звездара, Бараево, Грочка, Лазаревац, Младеновац, Обреновац, Сопот и Сурчин.

Се гласаше и на редовните избори за советници во собранијата на сите пет градски општини во Ниш – Медијана, Палилула, Црвени Крст, Пантелеј и Нишка Бања.

Локални избори во Србија за 89 градови и општини, се гласа и на повторените избори за Белград